జీవీ ప్రకాష్ కుమార్ హీరోగా నూతన చిత్రం ప్రారంభం

లార్క్ స్టూడియోస్, ప్యారలల్ యూనివర్స్ పిక్చర్స్ తమ కొత్త ప్రాజెక్ట్‌ను అధికారికంగా ప్రకటించాయి. ‘కరుడన్’, ‘మామన్’ తరువాత లార్క్ స్టూడియోస్ రూపొందిస్తున్న మూడో చిత్రమిది. జీవీ ప్రకాష్ కుమార్ ఈ చిత్రంలో ప్రధాన పాత్ర పోషిస్తున్నారు. ప్రస్తుతం ఈ చిత్రానికి సంబంధించిన ప్రి ప్రొడక్షన్ పనులు శరవేగంగా జరుగుతున్నాయి. ‘జో’ చిత్రంతో విమర్శకుల ప్రశంసలు పొందిన హరిహరన్ రామ్ ఈ చిత్రానికి దర్శకత్వం వహిస్తున్నారు.

జీవీ ప్రకాష్ కుమార్ ఈ ప్రాజెక్ట్‌లో హీరో కావడమే కాకుండా సంగీతం కూడా అందిస్తున్నారు. ఈ చిత్రంలో ఆయన సరికొత్తగా కనిపించనున్నారు. 'జో' చిత్రంలో నటించి మెప్పించిన మాళవిక మనోజ్ హీరోయిన్‌గా నటిస్తోంది. 'కర్ణన్', 'వాళై' వంటి చిత్రాలలో తన విజువల్స్‌తో ఆకట్టుకున్న తేని ఈశ్వర్ సినిమాటోగ్రఫీని నిర్వహిస్తున్నారు. త్వరలోనే చిత్రానికి సంబంధించిన పూర్తి విశేషాలను మేకర్స్ తెలియజేయనున్నారు. ఈ చిత్రం జూన్‌లో ప్రారంభం కానుంది. ఇప్పటికే లొకేషన్ల అన్వేషణ జరుగుతోంది.