Biggboss9: ఇదేం బిగ్బాస్రా బాబోయ్.. కంటెస్టెంట్స్ అంతా వనభోజనాలకొచ్చారా?
బిగ్బాస్ 9 తెలుగు (Biggboss 9 Telugu) చూస్తున్న వారెవరికైనా అనిపించేది ఒక్కటే. ఇదేం బిగ్బాస్రా బాబోయ్.. అసలు కంటెస్టెంట్స్ (Biggboss Contestants) అంతా బిగ్బాస్ కోసం వచ్చారా? లేదంటే వనభోజనాలకు వచ్చారా? అనేది ఆసక్తికరంగా మారింది.
బిగ్బాస్ 9 తెలుగు (Biggboss 9 Telugu) చూస్తున్న వారెవరికైనా అనిపించేది ఒక్కటే. ఇదేం బిగ్బాస్రా బాబోయ్.. అసలు కంటెస్టెంట్స్ (Biggboss Contestants) అంతా బిగ్బాస్ కోసం వచ్చారా? లేదంటే వనభోజనాలకు వచ్చారా? అనేది ఆసక్తికరంగా మారింది. ఏదో నామినేషన్స్ను మమ అనిపించేసి ఆ తరువాత కలిసి ఉంటే కలదు సుఖం అన్నట్టుగా వ్యవహరిస్తూ ఉంటున్నారు. ఏదో వనభోజనాలకు వచ్చినట్టుగా సందడిగా గడిపేస్తున్నారు. కనీసం ఎక్కడా ఎవరూ ఎవరితోనూ రైవలరీ మెయిన్టైన్ చేయడం లేదు. ఎక్కడ ఎవరితో రైవలరీ పెట్టుకుంటే తమకు ఇబ్బందో అన్నట్టుగా వ్యవహరిస్తున్నారు. పోనీ నామినేషన్స్ (Biggboss Naminations)లో పాయింట్స్ ఏమైనా బాగున్నాయా? అంటే అదీ లేదు.
ఏదో ఎవరినో ఒకరిని నామినేట్ చేయాలి కాబట్టి చేస్తున్నాం అన్నట్టుగా ఉంది వారి వ్యవహారం. సుమన్ శెట్టి (Suman Shetty) అతనికి ఎందుకంత హైప్ వస్తోందో కూడా ఎవరికీ అంతుబట్టదు. తనూజను బిగ్బాస్ ఎందుకు విన్నర్ని చేయాలనుకుంటున్నారో ఎవరికీ అర్థం కాదు.. అలాగే ఇమ్మాన్యుయేల్ ఎందుకు నామినేషన్స్లోకి రాకుండా తప్పించుకు తిరుగుతున్నాడో కూడా తెలియడం లేదు. కల్యాణ్ ఎంత కష్టపడుతున్నా వీకెండ్లో నాగార్జున అతడిని ఎందుకు డీగ్రేడ్ చేస్తున్నారో తెలియదు. ఒకటి కాదు.. రెండు కాదు.. అంతుబట్టని ప్రశ్నలెన్నో. తాజాగా జరిగిన నామినేషన్స్ చూస్తుంటే ఎవరికైనా విరక్తి వస్తుంది. అసలు ఎవరు ఎవరిని ఎందుకు నామినేట్ చేశారో.. గౌరవ్ (Gourav) మినహా ఒక్కరంటే ఒక్కరు కూడా సరైన పాయింట్స్ పెట్టింది లేదు. వీరిలో ఎవరు ఎలిమినేట్ అవుతారో చూడాలి.
ప్రజావాణి చీదిరాల