Biggboss9: ఈవారం బిగ్బాస్ నుంచి ఎలిమినేట్ అయ్యిందెవరంటే..
బిగ్బాస్ 9 తెలుగు వీకెండ్ వచ్చేసింది. ఎలిమినేషన్ సమయం ఆసన్నమైంది. ఈ వారం ఆసక్తికరంగా ఓటింగ్ సాగింది. 11 వారాల పాటు ఓటింగ్లో టాప్లో ఉన్న తనూజ పుట్టస్వామి ఈ వారం వెనుకబడింది. సెకండ్ ప్లేస్కు వెళ్లిపోయింది.
బిగ్బాస్ 9 తెలుగు వీకెండ్ వచ్చేసింది. ఎలిమినేషన్ సమయం ఆసన్నమైంది. ఈ వారం ఆసక్తికరంగా ఓటింగ్ సాగింది. 11 వారాల పాటు ఓటింగ్లో టాప్లో ఉన్న తనూజ పుట్టస్వామి ఈ వారం వెనుకబడింది. సెకండ్ ప్లేస్కు వెళ్లిపోయింది. కామన్ మ్యాన్గా ఎంట్రీ ఇచ్చిన పవన్ కల్యాణ్ పడాల ఈవారం అంతా టాప్లోనే ఉన్నాడు. ఇక ఈ వారం నామినేషన్స్ సందర్భంగా అయిన గొడవ కూడా కల్యాణ్ పడాలకు బాగా ప్లస్ అయిపోయింది. పైగా అతని సింప్లిసిటీ.. ఎవరినీ ఇబ్బంది పెట్టని తత్వం అతడిని టాప్లోకి తీసుకొచ్చింది. ఇదే కొనసాగితే మాత్రం పవన్ కల్యాణ్ హిస్టరీ క్రియేట్ చేస్తాడనటంలో సందేహమే లేదు. ఇప్పటికే కల్యాణ్ పడాలకు సపోర్ట్ బీభత్సంగా పెరిగింది.
ఇక ఈ వారం ఎలిమినేషన్ విషయానికి వస్తే లీస్ట్ 3లోకి సుమన్ శెట్టి రావడం ఆసక్తికరంగా మారింది. ఇప్పటి వరకూ లీస్ట్లోకి సుమన్ శెట్టి రావడమనేది ఇదే తొలిసారి కావడం గమనార్హం. అతను ఇప్పటి వరకూ చేసిందేమీ లేకున్నా కూడా సింపతి బాగా వర్కవుట్ అయ్యింది. బిగ్బాస్ సీజన్ 9 ఎండింగ్కి వచ్చేవరకూ ఈ వారం బాగా హైలైట్ అయ్యేవారిని మాత్రమే ప్రేక్షకులు పట్టించుకుంటారు. ఈ క్రమంలోనే లీస్ట్ నుంచి దివ్య నికిత, సంజన, సుమన్ శెట్టి ఉన్నారు. గత వారం తనూజతో గట్టిగా గొడవపడిన దివ్య నికిత.. ఈ వారం ఎందుకో ఆమెతో కలిసిపోయింది. గత వారమే ఎలిమినేట్ కావాల్సిన దివ్య.. తనూజతో శత్రుత్వం కొనసాగిస్తుందని భావించి బిగ్బాస్ టీం ఎలిమినేషనే లేకుండా సీన్ను మార్చేసింది. కానీ దివ్యనికిత వెంటనే తనూజతో కలిసిపోవడంతో ఆమెకు ఫుటేజ్ పెద్దగా ఈవారమంతా రాలేదు. దీంతో ఆమె ఈవారం ఎలిమినేట్ కాక తప్పడం లేదు. కాబట్టి ఈవారం దివ్య నికిత హౌస్ నుంచి ఎలిమినేట్ అయిపోయింది.
ప్రజావాణి చీదిరాల