Shiva Jyothi: సోనూ.. రిచెస్ట్ బిచ్చగాళ్లకు టీటీడీ షాక్ ఇచ్చిందిరోయ్..

‘సోనూ.. మనం రిచెస్ట్ బిచ్చగాళ్లంరా తిరుపతిలో’ అంటూ యాంకర్ శివ జ్యోతి చేసిన వెకిలి చేష్టలకు సరైన గుణపాఠమే చెప్పింది తిరుమల తిరుపతి దేవస్థానం. వారి ఆధార్ కార్డులను బ్లాక్ చేసింది. ఇక మీదట శివజ్యోతి, ఆమె తమ్ముడు సోను, ఆమె భర్త ముగ్గురూ కూడా తిరుమల శ్రీవారిని దర్శించుకోవాలంటే సామాన్య భక్తుల మాదిరిగా సర్వదర్శనానికి వెళ్లాల్సిందే. టీటీడీ తీసుకున్న చర్యపై సర్వత్రా హర్షం వ్యక్తమవుతోంది. దేవుడి ముందు అందరూ సమానమే.. కానీ శివజ్యోతికి తానొక రిచెస్ట్ పర్సన్ అన్న అహం బాగా నెత్తికక్కినట్టుంది. సాక్షాత్తు కలియుగదైవమైన శ్రీ వేంకటేశ్వర స్వామివారి ప్రసాదంపైనే కామెడీ చేసింది.

పైగా ప్రసాదం తీసుకునే వాళ్లంతా బిచ్చగాళ్లు అన్నట్టుగా మాట్లాడటంపై తెలుగు రాష్ట్రాలు మండిపడ్డాయి. శివజ్యోతి క్షమాపణలు చెప్పినా కూడా ఎవరూ పట్టించుకోలేదు. ఆమె చెప్పిన క్షమాపణలు డ్యామేజ్ కంట్రోల్‌ను ఏమాత్రం తగ్గించలేకపోయాయి. పైగా శ్రీవారి ప్రసాదాన్నే కామెడీ చేస్తావా? అంటూ అంతా మండిపడ్డారు. సాధారణ మధ్యతరగతి కుటుంబంలో పుట్టి పెరిగిన శివజ్యోతికి ఓ ఛానల్‌లో యాంకర్‌గా పోస్ట్ దొరకడం.. అది కాస్తా క్లిక్ అవడంతో బిగ్‌బాస్‌లో అవకాశం దొరికింది. ఆ తరువాత బెట్టింగ్ యాప్‌లకు ప్రమోషన్స్ చేసి బీభత్సంగా సంపాదించింది.

ఖరీదైన ఇల్లు, లగ్జరీ కారు, లగ్జరీ లైఫ్.. ఒక్కసారిగా అంతా లగ్జరీగా మారిపోవడంతో కళ్లు నెత్తికెక్కాయని నెటిజన్లు మండిపడుతున్నారు. కేవలం రెండేళ్లలోనే బీభత్సంగా సంపాదించేసింది. ఆ సంపాదన అహంతోనే తాము రిచెస్ట్ బిచ్చగాళ్లమంటే.. శ్రీవారి ప్రసాదం తీసుకునేవారంతా బిచ్చగాళ్లనే కదా... ఈ క్రమంలోనే వెకిలి నవ్వులతో అభాసుపాలైంది. టీటీడీ వారి ఆధార్ బ్లాక్ చేయడంతో నెట్టింట అంతా.. ‘సోనూ.. రిచెస్ట్ బిచ్చగాళ్లకు టీటీడీ షాక్ ఇచ్చిందిరోయ్..’ అంటూ సందడి చేస్తున్నారు. చివరకు తిరుమల శ్రీవారి స్పెషల్ దర్శనానికి సైతం నోచుకోకుండా పోయింది. శివజ్యోతిది ప్రతి ఒక్కరికీ ఒక మంచి పాఠమనే చెప్పాలి.

ప్రజావాణి చీదిరాల