Biggboss9: డెమాన్‌కి రెడ్ ఫ్లాగ్.. ఊహించని కంటెస్టెంట్ ఎలిమినేట్..
డెమాన్ పవన్‌కు గ్రాఫ్ చేంజ్ చేసే ఎపిసోడ్ అనడంలో సందేహం లేదు. వాస్తవానికి రీతూకి పెద్దగా అది తప్పు అనిపించలేదు కాబట్టి జనాలు కూడా దీనిని చాలా లైట్‌గా తీసుకున్నారు.
బిగ్‌బాస్ 9 తెలుగు (Biggboss 9 Telugu) ఇప్పుడిప్పుడే ఆసక్తికరంగా మారుతోంది. ఇక వీకెండ్ రానే వచ్చింది. హోస్ట్ నాగార్జున (Host Nagarjuna) ఎవరిపై ప్రశంసలు కురిపిస్తారనే దానికన్నా ఎవరిని ఎలా క్లాస్ తీసుకుంటారనే దానిపైనే ప్రేక్షకుల కాన్సన్‌ట్రేషన్ ఉంటుంది. ఇప్పటికే బిగ్‌బాస్ (Biggboss Promo) నుంచి నాలుగు ప్రోమోలు వచ్చాయి. ముందుగా భరణి (Bharani)కి నాగ్ క్లాస్ తీసుకున్నారు. అయితే దీనిని నాలుగో ప్రోమోలో చూపించారు. భరణి ఇంకా సేఫ్‌గా ఆడుతున్నారనే విషయమై ఆయనకు నాగ్ (Nag) గట్టిగానే క్లాస్ తీసుకున్నారు. ఇక ఇప్పటికైనా భరణిలో మార్పు వస్తే బాగుంటుంది. సంజనకు క్లాస్.. నామినేషన్స్‌లోకి వస్తే చేసే రచ్చ విషయమై నాగార్జున క్లాస్ తీసుకున్నారు.
ప్రెజర్ ఫీల్ అయిపోయి నామినేషన్ (Biggboss Naminations) చేసిన వారిని ఇష్టానుసారంగా మాట్లాడుతుంది. దీనిపై నాగ్ గట్టిగానే మాట్లాడారు. ఆ తరువాత కల్యాణ్ (Pawan Kalyan)కి క్లాస్ పడింది. వాస్తవానికి ఏ కూర చేయాలనే విషయమై తనూజ, కల్యాణ్ మధ్య గొడవ జరిగింది. దీనికి కల్యాణ్‌కి నాగ్ చురకలేశారు. వాస్తవానికి ఈ విషయంలో కల్యాణ్ మిస్టేక్ అయితే లేదనే చెప్పాలి. తనూజ అనవసరంగా హైపర్ అయిపోయి ఇష్టానుసారంగా మాట్లాడింది. కానీ తనూజ బిగ్‌బాస్ ముద్దుబిడ్డ కాబట్టి ఆమెకు బదులుగా కల్యాణ్‌కు క్లాస్ తీసుకున్నారు. డెమాన్ పవన్ (Demon Pawan)కి గట్టిగా క్లాస్ పడింది. రీతూ చౌదరి (Rithu Chowdary)ని రెండు సార్లు పవన్ తోసేశాడు. అతను ప్రవర్తించిన దాని గురించి వీడియో ప్లే చేసి మరీ నాగార్జున రెడ్ ఫ్లాగ్ ఇచ్చారు. బిగ్‌బాస్ ఓపెన్ ది డోర్స్ అని.. పవన్‌కి ప్యాక్ యువర్ బ్యాగ్స్ అని నాగ్ చెప్పారు.
అయితే డెమాన్ పవన్ బయటకు అయితే పంపించలేదులెండి. కానీ ఇది డెమాన్ పవన్‌కు గ్రాఫ్ చేంజ్ చేసే ఎపిసోడ్ అనడంలో సందేహం లేదు. వాస్తవానికి రీతూకి పెద్దగా అది తప్పు అనిపించలేదు కాబట్టి జనాలు కూడా దీనిని చాలా లైట్‌గా తీసుకున్నారు. కానీ నాగ్ రెడ్ ఫ్లాగ్ ఇవ్వడం అనేది జనాల్లో డెమాన్‌పై కావల్సినంత సింపతీ కలిగిస్తోందనడంలో సందేహమే లేదు. పైగా డెమాన్ మోకాళ్లపై కూర్చొని మరీ నాగ్‌కు సారీ చెప్పినట్టుగా తెలుస్తోంది. ఇది కూడా అతనికి పాజిటివ్ అవుతుందనడంలో సందేహం లేదు. అంతేకాకుండా ఈ ఘటనతో పవన్.. రీతూతో డిస్టెన్స్ మెయిన్‌టైన్ చేసే అవకాశం ఉంది. మరి డెమాన్ పవన్ ఈ ఘటనతో తనను తాను చేంజ్ చేసుకుంటాడో లేదంటే రీతూతో అదే బంధాన్ని మెయిన్‌టైన్ చేస్తాడో చూడాలి.
ఇక ఈ వారం ఎవరు ఎలిమినేట్ అయ్యారో తెలిస్తే షాకవుతారు. ఎందుకంటే ఆమె లీస్ట్‌లో ఉందనుకున్నారు కానీ ఎలిమినేట్ అవుతుందని మాత్రం ఊహించలేదు. ఈ వారం హౌస్ నుంచి దివ్వెల మాదురి (Divvela Madhuri) ఎలిమినేట్ అయ్యారు. ఇప్పుడిప్పుడే హౌస్‌లో అందరితో చాలా బాగుంటున్నారు మాదురి. వాస్తవానికి ఈ వారంలో నామినేషన్స్‌లో కాస్త ఇబ్బందికరంగానే ప్రవర్తించినా కూడా ఆ తరువాత మాత్రం చాలా బాగున్నారు. కాస్త తనూజకు మాత్రం భరణిపై ఎక్కించే పనిలో ఉన్నారు. అది మినహా చక్కగా కామెడీని సైతం పండిస్తున్నారు. అందరితోనూ మంచి ర్యాపో మెయిన్‌టైన్ చేస్తున్నారు. అలాంటి వ్యక్తి ఈవారం ఎలిమినేట్ అవుతుందని అనుకోలేదు. అయితే ఆమె బిగ్‌బాస్‌తో మూడు వారాలకు మించి ఉండననే ఒప్పందం చేసుకునే వచ్చారనే టాక్ నడుస్తోంది. మరి అది ఎంతవరకు నిజమనేది తెలియాల్సి ఉంది. వాస్తవానికి గౌరవ్ అవుట్ అవుతారంటూ టాక్ నడిచింది. కానీ ఈవారం దివ్వెల మాదురి ఎలిమినేట్ అయిపోయినట్టుగా తెలుస్తోంది.
ప్రజావాణి చీదిరాల
