Biggboss 9 Telugu: బిగ్‌బాస్‌లో దురదృష్టానికి కేరాఫ్ ఒకరైతే.. అదృష్టానికి మరొకరు..

బిగ్‌బాస్ 9 తెలుగు (Biggboss 9 Telugu) రసవత్తరంగానే సాగుతోంది. ఈ సీజన్‌లో ఎప్పుడు ఏం జరుగుతోందో తెలియడం లేదు. ఈవారం ఎలిమినేషన్ (Biggboss Elimination) పక్కా అనుకున్న వ్యక్తులేమో హౌస్‌లో నిలిచిపోయారు. చివరకు ఆమె అదృష్టం బాగుండి కెప్టెన్ కూడా అయిపోయింది. శ్రీజ ఎలిమినేషన్ (Srija Elimination) ఎవరూ ఊహించలేదు కానీ ఆమె ఎలిమినేట్ అయిపోయింది. రెండోసారి కూడా ఆమెను అదృష్టం వరించలేదు. శ్రీజ (Srija) ఎలిమినేట్ అయితే పెద్ద ఎత్తున రచ్చ జరిగింది. తిరిగి రీఎంట్రీ ఇచ్చినా కూడా ఆమె ఎలిమినేట్ అయిపోయింది.

శ్రీజ ఎలిమినేషన్.. అన్ ఫెయిర్ అని.. సరిగా జరగలేదంటూ ప్రేక్షకులు పెద్ద ఎత్తున గగ్గోలు పెట్టడంతో శ్రీజ, భరణి (Bharani)ని తిరిగి హౌస్‌లోకి తీసుకున్నారు. వాళ్లిద్దరికీ టాస్కులు, ఆడియన్స్ ఓటింగ్ నిర్వహించారు. రెండింటిలోనూ శ్రీజ వెనుకబడి పోయింది. శ్రీజ ఎలిమినేషన్‌పై అంత రచ్చ చేసిన ప్రేక్షకులు తిరిగి ఆమెను ఇంట్లోకి తీసుకొచ్చిన తర్వాత మాత్రం సైలెంట్ అయిపోయారు. ఓట్లన్నీ భరణికి వేశారు. దీంతో రెండోసారి కూడా శ్రీజ బిగ్‌బాస్ హౌస్ నుంచి నిష్క్రమించక తప్పలేదు. మొత్తానికి శ్రీజ మరోసారి హౌస్ నుంచి నిష్క్రమించింది. ఇక మీదట ఆమెకు ఛాన్స్ కూడా లేదు.

ఇక పైన చెప్పిన అదృష్టవంతురాలు ఎవరంటారా? దివ్య నికిత (Divya Nikitha). వైల్డ్ కార్డ్ ద్వారా ఎంట్రీ ఇచ్చిన దివ్య నికితకు మొదట్లో ఏమాత్రం ఫ్యాన్ ఫాలోయింగ్ లేదు. దీంతో నామినేషన్స్‌లోకి వచ్చీ రాగానే చాలా తక్కువగా ఓట్లు పడ్డాయి. ఒకరకంగా చావు తప్పి కన్ను లొట్టబోయిందన్న చందంగా చివరిలో ఏదో అదృష్టం బాగుండి ఎలిమినేషన్ తప్పించుకుంది. ఆ తరువాత మూడు వారాలు అవుతోంది. ఆమె నామినేట్ అయితే అవుతోంది కానీ ఎలిమినేషన్ గండం మాత్రం తప్పిపోయింది. ఆమె మాట తీరు, ఆట తీరుతో మంచి ఓటు బ్యాంకును సంపాదించుకుంది. తాజాగా కెప్టెన్ (Biggboss Captain Divya Nikitha) కూడా అయ్యిందన్న టాక్ నడుస్తోంది. భరణి చేతిలోనే కెప్టెన్సీ కంటెండర్స్‌ను ఎన్నుకునే రైట్‌ను బిగ్‌బాస్ పెట్టారని టాక్.

భరణి తనూజ, దివ్య నికితతో పాటు గౌరవ్, సాయి, నికిల్‌తో పాటు తనను కూడా ఎంపిక చేసుకున్నారట. ఇక కెప్టెన్సీ టాస్క్ వచ్చేసి.. ‘డీజే కెప్టెన్’. తమ ముందున్న ఫ్లాట్‌ఫామ్‌పై ప్లే అవుతున్న మ్యూజిక్‌కు డ్యాన్స్ చేయాలి. మిగిలిన వారంతా తమకు ఇష్టమైన కంటెండర్‌కు సపోర్టుగా మరో ప్లాట్‌ఫామ్‌పై డ్యాన్స్ చేయాల్సి ఉంటుంది. మ్యూజిక్ ముగిసే సమయానికి ఎవరి ప్లాట్‌ఫామ్‌పై ఎక్కువ మంది కంటెస్టెంట్స్ ఉంటారో వారే టాస్క్ విన్నర్. మొత్తానికి కెప్టెన్సీ టాస్క్‌ల్లో ఫైనల్‌కు తనూజ, దివ్య వచ్చారని తెలుస్తోంది. ఈ టాస్క్‌లో దివ్య విన్ అయ్యి కెప్టెన్ అయిపోయినట్టు తెలుస్తోంది. మొత్తానికి దివ్య నికిత లక్కీ ఫెలో అనే చెప్పాలి.

ప్రజావాణి చీదిరాల