others

Biggboss9: బిగ్‌బాస్ చరిత్రలోనే ఇమ్మాన్యుయేల్ రికార్డ్.. విన్నర్ రేస్ నుంచి ఔట్..!

ఇమ్మాన్యుయేల్ విషయానికి వస్తే వరుసగా తొమ్మిది వారాలు నామినేషన్స్‌ (Biggboss Naminations)లోకి రాకుండా చరిత్ర సృష్టించాడు. వాస్తవానికి ఇప్పుడైతే అతను నామినేషన్స్‌లోకి రావడానికే భయపడుతున్నాడు.

Biggboss9: బిగ్‌బాస్ చరిత్రలోనే ఇమ్మాన్యుయేల్ రికార్డ్.. విన్నర్ రేస్ నుంచి ఔట్..!

బిగ్‌బాస్ 9 తెలుగు (Biggboss 9 Telugu) ఆసక్తికరంగా సాగుతోంది. ఈవారం కెప్టెన్సీ టాస్క్ (Biggboss Captaincy Task) అంతా పెద్దగా ఇంట్రస్టింగ్‌గా అయితే లేదనే చెప్పాలి. ఈ కెప్టెన్సీ టాస్క్‌లో ముఖ్యంగా చెప్పుకోవాల్సింది ఇద్దరు వ్యక్తుల గురించి... ఒకరు తనూజ (Tanuja), మరొకరు ఇమ్మాన్యుయేల్ (Emmanuel). తనూజ గురించి ఎందుకంటే సపోర్ట్ గురించి అల్లాడుతోంది. ప్రతి దానిలో సపోర్ట్ కోరుకుంటోంది. ప్రతి ఒక్కరినీ సపోర్ట్ కోసం అర్థిస్తోంది. ఇక ఈవారం కూడా కెప్టెన్సీ రేస్ నుంచి తనూజ అవుట్ అయిపోయింది. కొన్ని వారాలుగా ఇదే జరుగుతోంది. దాదాపుగా చివరి వరకూ వచ్చి కెప్టెన్సీ రేస్ నుంచి తనూజ తప్పుకోవాల్సి వస్తోంది. కొన్ని సార్లు సపోర్ట్ దొరక్క.. మరికొన్ని సార్లు అవతలి వ్యక్తితో పోటీ పడలేక తప్పుకోవాల్సి వస్తోంది.

ఇక ఇమ్మాన్యుయేల్ విషయానికి వస్తే వరుసగా తొమ్మిది వారాలు నామినేషన్స్‌ (Biggboss Naminations)లోకి రాకుండా చరిత్ర సృష్టించాడు. వాస్తవానికి ఇప్పుడైతే అతను నామినేషన్స్‌లోకి రావడానికే భయపడుతున్నాడు. దీనికి కారణం ఒకరెవరైనా నాలుగైదు వారాలు నామినేషన్స్‌లోకి రాలేదంటే వారికి ఎలిమినేషన్ ఫిక్స్ అయిపోయినట్టే. ఈ భయంతోనే ఇమ్మాన్యుయేల్ నామినేషన్స్‌లోకి రాకుండా తప్పించుకుంటున్నాడు. ఈ క్రమంలోనే కెప్టెన్సీ టాస్క్ కోసం చాలా కన్నింగ్ గేమ్ ఆడాడు. చివరకు ఈవారం కెప్టెన్ అయ్యాడు. దీంతో నెక్ట్స్ వీక్ కూడా నామినేషన్స్‌లోకి రాడు. పైగా ఇక మీదట అతను ఎవరితోనూ కయ్యం పెట్టుకునేలా కనిపించడం లేదు. అలా పెట్టుకుంటే ఎవరైనా నామినేట్ చేస్తే మాత్రం బిగ్‌బాస్‌లో ఇమ్మూ పని క్లోజ్ అయినట్టే. మొత్తానికి ఇమ్మాన్యుయేల్ మాత్రం చాలా రాంగ్ వేలో వెళుతున్నాడంలో సందేహమే లేదు.

ప్రస్తుతానికి అతని గ్రాఫ్ చాలా బాగుంది. అలాంటప్పుడు నామినేషన్స్‌లోకి వస్తుంటే విన్నర్ (Biggboss Winner) అయ్యే ఛాన్స్ కూడా లేకపోలేదు. కానీ ఇమ్మాన్యుయేల్ ప్రస్తుతం విన్నర్ అయ్యే దానికన్నా టాప్ 5 (Biggboss Top 5) మీదనే ఎక్కువగా ఫోకస్ పెడుతున్నట్టుగా కనిపిస్తోంది. హౌస్‌ (Biggboss House)లోకి వచ్చిన ప్రతి ఒక్కరూ తనూజ టాప్‌‌లో ఉందని చెప్పడం.. ఓవర్ హింట్స్ కారణంగా ఎవరికి వారు తమ గేమ్‌ను మార్చేసుకున్నారు. ఈక్రమంలోనే ఇమ్మూ కూడా తన గేమ్ మార్చుకుని తనూజకు తిరిగి మంచి ఆప్తుడు అయిపోయాడు. ప్రతి వారం నామినేషన్స్ నుంచి తప్పించుకుంటూ ఉండటంతో అతడు విన్నర్ రేస్ నుంచి కూడా ఔట్ అయిపోయినట్టేనని చెప్పాలి. గేమ్ గురించి పూర్తి అవగాహన ఉన్న ఇమ్మాన్యుయేల్ ఎందుకింత రాంగ్ ట్రాక్‌లో వెళుతున్నాడో అర్థం కాకుండా ఉంది.

ప్రజావాణి చీదిరాల

Prajavani Cheedirala
Prajavani Cheedirala
November 7, 2025 3:44 PM