Vijay Devarakonda - Rashmika: రష్మికకు విజయ్ తల్లి స్పెషల్ గిఫ్ట్
టాలీవుడ్ లవ్ బర్డ్స్ విజయ్ దేవరకొండ, రష్మిక మందన్న పెళ్లి వేడుకలు అట్టహాసంగా జరుగుతున్నాయి. రాజస్థాన్లోని ఉదయ్పూర్లో వీరి వివాహం అంగరంగ వైభవంగా జరుగుతోంది.
టాలీవుడ్ లవ్ బర్డ్స్ విజయ్ దేవరకొండ, రష్మిక మందన్న పెళ్లి వేడుకలు అట్టహాసంగా జరుగుతున్నాయి. రాజస్థాన్లోని ఉదయ్పూర్లో వీరి వివాహం అంగరంగ వైభవంగా జరుగుతోంది. ఈ వివాహానికి కుటుంబ సభ్యులతో పాటు అత్యంత సన్నిహితులకు మాత్రమే ఆహ్వానం అందింది. ఇప్పటికే విజయ్, రష్మికల కుటుంబ సభ్యులంతా ఉదయ్పుర్కు చేరుకున్నారు. వీరి వివాహ కార్యక్రమానికి విరోష్గా పిలుస్తున్నారు. ఈ పేరుతోనే వివాహ వేడుకలు సైతం జరుగుతున్నాయి.
ఉదయపుర్లోని లగ్జరీ హోటల్ ఐటీసీ మెమెంటోస్లో విజయ్, రష్మికల సంగీత్ వేడుక కన్నుల పండువగా జరిగంది. ఈ వేడుకలో విజయ్, రష్మిక తమ హిట్ సాంగ్స్కు డ్యాన్స్ వేసి అందరినీ అలరించారు. అలాగే విజయ్ తమ్ముడు ఆనంద్ దేవరకొండతో పాటు ఇతర కుటుంబ సభ్యులు కూడా తమ డ్యాన్స్లతో అదరగొట్టినట్టుగా తెలుస్తోంది. ఈ హోటల్లోని ఒక ప్రత్యేక ప్రదేశంలో ఈ వేడుక జరిగినట్టు సమాచారం. హోటల్లో ఉన్న అందమైన సరస్సు, ప్రకృతి ఒడిలో జరిగిన ఈ వేడుక రాయల్గా జరిగినట్టుగా టాక్ గట్టిగానే వినిపిస్తోంది. అయితే పెళ్లి వేడుకకు సంంధించిన ఫోటోలు కానీ.. వీడియోలు కానీ బయటకు రావొద్దని ముందుగానే కండీషన్ ఉండటంతో ఏ ఒక్కటి బయటకు రావడం లేదు.
ఇక ఈ సంగీత్లో మరొక స్పెషల్ ఏంటంటే.. విజయ్ తల్లి మాధవి దేవరకొండ తన కాబోయే కోడలికి ఇచ్చిన గిఫ్ట్. తమ కుటుంబ వారసత్వంగా వస్తున్న ఖరీదైన బంగారు గాజులను ఆమె రష్మికకు బహుమతిగా ఇచ్చారు. ఈ మధురమైన మూమెంట్ సంగీత్లోనే హైలెట్గా నిలిచింది. తమ సంప్రదాయం ప్రకారం ఇంటికి రాబోయే కోడలికి ఇలాంటి ఆభరణాలు ఇవ్వడం విజయ్ దేవరకొండ కుటుంబ ఆచారమని తెలుస్తోంది. ఈ ఊహించని బహుమతితో రష్మిక చాలా ఎమోషనల్ అయ్యిందట. మొత్తానికి అత్తాకోడళ్ల మధ్య మంచి బాండింగే ఉందని టాక్ నడుస్తోంది.
