Girlfriend: ఓటీటీలోకి వచ్చేస్తున్న రష్మిక ‘ది గర్ల్ఫ్రెండ్’.. ఎప్పుడంటే..
నవంబర్ 7న ‘ది గర్ల్ఫ్రెండ్’ చిత్రం ప్రేక్షకుల ముందుకు వచ్చి ప్రేక్షకుల్లో మంచి ఆదరణను సంపాదించుకుంది. ముఖ్యంగా ఆడపిల్లలకు ఈ సినిమా బాగా కనెక్ట్ అయ్యింది. ప్రస్తుతం ఈ చిత్రం ఓటీటీలో ప్రేక్షకులను అలరించేందుకు సిద్ధమైంది.
ఇటీవల ప్రేక్షకుల ముందుకు వచ్చి మంచి సక్సెస్ సాధించిన చిత్రాల్లో ‘ది గర్ల్ఫ్రెండ్’ ఒకటి. రాహుల్ రవీంద్రన్ దర్శకత్వం వహించిన ఈ చిత్రంలో రష్మిక మందన్నా, దీక్షిత్ శెట్టి ప్రధాన పాత్రలు పోషించారు. నవంబర్ 7న ఈ చిత్రం ప్రేక్షకుల ముందుకు వచ్చి ప్రేక్షకుల్లో మంచి ఆదరణను సంపాదించుకుంది. ముఖ్యంగా ఆడపిల్లలకు ఈ సినిమా బాగా కనెక్ట్ అయ్యింది. ప్రస్తుతం ఈ చిత్రం ఓటీటీలో ప్రేక్షకులను అలరించేందుకు సిద్ధమైంది. మరి ఏ ఓటీటీ ఫ్లాట్‌ఫామ్? ఎప్పటి నుంచి అంటారా?
ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్ వేదికగా డిసెంబర్ 5 నుంచి ‘గర్ల్ఫ్రెండ్’ స్ట్రీమింగ్ కానుంది. ఈ చిత్రం తెలుగు, హిందీ, తమిళ్, కన్నడ, మలయాళం ఐదు భాషల్లో అలరించనుంది. ‘గర్ల్ఫ్రెండ్’ కథేంటంటే.. పీజీ కాలేజ్‌లో భూమా దేవి అలియాస్ భూమా (రష్మిక మంద‌న్న), విక్రమ్ (దీక్షిత్ శెట్టి) వేర్వేరు కోర్సుల్లో చేరుతారు. తొలి ప‌రిచ‌యంలోనే ఒక‌రికొక‌రు న‌చ్చడంతో ఇద్దరూ గర్ల్ఫ్రెండ్, బాయ్‌ఫ్రెండ్ అయిపోతారు. విక్ర‌మ్‌ని దుర్గ (అను ఇమ్మానుయేల్‌) అనే అమ్మాయి కూడా ఇష్ట‌ప‌డుతుంది.
అయితే భూమా తనను అమ్మలా చూసుకుంటుందనే కారణంతో విక్రమ్ మాత్రం ఆమెనే ప్రేమిస్తాడు. ఇదే విషయం కారణంగా భూమా కూడా విక్రమ్ పైన అమితమైన ప్రేమను పెంచుకుంటుంది. ఒకవైపు చదువుకుంటూనే.. మరోవైపు ఇద్దరూ పీకల్లోతు ప్రేమలో మునిగిపోతారు. అప్పుడు ఏర్పడుతుంది ఓ సంఘర్షణ. అది ఇద్దరి జీవితాల్లో ఎలాంటి కల్లోలం సృష్టించింది? భూమా ఎందుకు తన ప్రేమ ప్రయాణానికి బ్రేక్ తీసుకోవాలనుకుంది? చివరకు ఇద్దరి ప్రేమకథ నిలిచిందా? లేదా? అనేదే అసలు కథ.
