Police Complaint: ప్రేమ-పగ, తప్పు–ఒప్పు, మంచి–చెడు మధ్య హైడ్ అండ్ సీక్ డ్రామా

వరలక్ష్మి శరత్ కుమార్, నవీన్ చంద్ర ప్రధాన పాత్రల్లో రూపొందుతున్న చిత్రం ‘పోలీస్ కంప్లైంట్’. సస్పెన్స్ హారర్ థ్రిల్లర్‌గా ఈ చిత్రాన్ని డైరెక్టర్ సంజీవ్ మేగోటి తెరకెక్కిస్తున్నారు. 52 మంది ఆర్టిస్టులతో ఈ చిత్రం రూపొందుతోంది. బాలకృష్ణ మహారాణా నిర్మిస్తున్న ఈ చిత్రానికి సంబంధించిన టీజర్ తాజాగా విడుదలైంది.

ఈ టీజర్ రిలీజ్ ఈవెంట్‌లో సంజీవ్ మేగోటి మాట్లాడుతూ.. ప్రేమ, పగ, తప్పు–ఒప్పు, మంచి–చెడు మధ్య హైడ్ అండ్ సీక్ డ్రామాగా ఈ చిత్రం రూపొందుతున్నట్టు వెల్లడించారు. హారర్ థ్రిల్లర్‌కు ఎంటర్‌టైన్‌మెంట్‌ను జత చేసి మరీ ఈ చిత్రాన్ని రూపొందిస్తున్నట్టు తెలిపారు. ఒక ప్రత్యేక పాత్రలో కన్నడ స్టార్ హీరోయిన్ రాగిణి ద్వివేది నటిస్తున్నారని.. ఆమె పాత్ర చాలా థ్రిల్లింగ్‌గా ఉంటుందన్నారు. ఉత్కంఠభరితమైన స్క్రీన్‌ప్లేతో సాగే ఈ చిత్రంలో కృష్ణసాయి, బేబీ తనస్వి భిన్న పాత్రల్లో మెప్పిస్తారని సంజీవ్ పేర్కొన్నారు. ఈ చిత్రాన్ని తెలుగుతో పాటు తమిళం, మలయాళం కన్నడ భాషల్లో రూపొందిస్తున్నట్టు వెల్లడించారు.

వరలక్ష్మి శరత్ కుమార్ మాట్లాడుతూ.. సంజీవ్ చెప్పిన సబ్జెక్టు తనకు ఎంతగానో నచ్చడంతో ఈ చిత్రాన్ని చేసినట్టు వెల్లడించారు. ఈ సినిమాలో యాక్షన్‌తో పాటు ఫుల్‌గా కామెడీ చేశానని.. సినిమా బాగా వచ్చిందని తెలిపారు. ఈ చిత్రం ప్రతి ఒక్కరికి నచ్చుతుందని వరలక్ష్మి తెలిపారు. ఈ చిత్రంలో ఆదిత్య ఓం విలన్ పాత్రలో నటించారు. రవిశంకర్, పృథ్వి, శ్రీనివాస్ రెడ్డి, సప్తగిరి, శరత్ లోహితశ్వ, జెమినీ సురేష్, దిల్ రమేష్ తదితరులు కీలక పాత్రల్లో కనిపించనున్నారు. ఈ కార్యక్రమానికి ముఖ్య అతిథులుగా ప్రొడ్యూసర్ కౌన్సిల్ సెక్రటరీ ప్రసన్న కుమార్, హీరో కృష్ణసాయి, సీనియర్ జర్నలిస్ట్ కృష్ణమూర్తి, అడివి సాయి కిరణ్, రావుల వెంకటేశ్వర రావు తదితరులు హాజరయ్యారు.

ప్రజావాణి చీదిరాల