NBK 111: డ్యుయెల్ రోల్‌లో కనిపించనున్న బాలయ్య?

నందమూరి బాలకృష్ణ (Nandamuri Balakrisha) బ్రేకుల్లేకుండా దూసుకెళుతున్నారు. తన 111వ చిత్రాన్ని ఆయన నేడు ప్రారంభించారు. ఈ క్రమంలోనే దీనికి సంబంధించిన పోస్టర్‌ను మేకర్స్ విడుదల చేశారు. ఈ చిత్రంలో హీరోయిన్‌గా నయనతార నటించనుంది. చాలా కాలం తర్వాత నయనతార (Nayanatara)తో బాలయ్య స్క్రీన్ షేర్ చేసుకోబోతున్నారు. గోపీచంద్ మలినేని (Director Gopichand Malineni) దర్శకత్వంలో రూపొందనున్న ఈ చిత్రాన్ని వృద్ధి సినిమాస్ (Vrudhi Cinemas) బ్యానర్‌పై వెంకట సతీష్ కిలారు నిర్మిస్తున్నారు. ‘ఈ చారిత్రక గర్జన చరిత్ర పునాదులను కదిలించి, కొత్త అధ్యాయాన్ని లిఖించడానికి సిద్ధం’ అని మేకర్స్ ప్రకటించారు.

మొత్తానికి ఎన్‌బీకే 111 ఒక పిరియాడిక్ మూవీ (NBK 111 Periodic Movie)గా పోస్టర్‌ను బట్టి తెలుస్తోంది. బుధవారం సుబ్రహ్మణ్య షష్ఠి పర్వదినం సందర్భంగా బాలయ్య తన 111వ చిత్రాన్ని ప్రారంభించారు. హైదరాబాద్‌లోని రామానాయుడు స్టూడియోస్‌లో ఈ సినిమా పూజా కార్యక్రమాలు ఘనంగా జరిగాయి. ఈ వేడుక‌కు బాల‌కృష్ణ‌తో పాటు ద‌ర్శ‌కుడు బోయ‌పాటి శ్రీను (Boyapat Srinu), నిర్మాత‌ కేఎస్ రామారావు, ద‌ర్శ‌కుడు బుచ్చిబాబు (Butchibabu Sana), ద‌ర్శ‌కుడు బాబి కొల్లి (Bobby Kolli) త‌దిత‌రులు హాజ‌ర‌య్యారు. ఇంట్రస్టింగ్ విషం ఏంటంటే.. ఈ చిత్రంలో బాలయ్య మునుపెన్నడూ కనిపించని రీతిలో ఒక యోధుడిగా కనిపించనున్నారు.

పోస్టర్‌ను బట్టి చూస్తే బాలయ్య డబుల్ యాక్షన్ (Balaiah Double Action) చేస్తున్నట్టుగా అనిపిస్తోంది. పోస్టర్‌లో బాలయ్య రెండు ఫోజుల్లో కనిపించారు. రెండూ కూడా రాజు పాత్రలే. అయితే ఒక వైపు కాస్త ఏజ్‌డ్‌గా కనిపిస్తే మరోవైపు యంగ్‌గా బాలయ్య కనిపిస్తున్నారు. దీనిని బట్టి చూస్తే బాలయ్య డబుల్ రోల్‌లో నటించనున్నట్టు తెలుస్తోంది. ‘సింహా’ (Simha), ‘శ్రీరామరాజ్యం’ (Sriramarajyam) తరువాత నయన్‌తో కలిసి బాలయ్య నటిస్తుండటం విశేషం. నయనతార రాణి పాత్రలో ఈ చిత్రంలో కనిపించనున్నట్టు తెలుస్తోంది. తమన్ సంగీతం అందిస్తున్న ఈ చిత్రం రెగ్యులర్ షూటింగ్ డిసెంబర్ మూడో వారం నుంచి ప్రారంభం కానున్నట్టు తెలుస్తోంది.

ప్రజావాణి చీదిరాల