NTR: ఎన్టీఆర్ మూవీపై ఇంత చర్చా? అసలుంటుందా?
యంగ్ టైగర్ ఎన్టీఆర్ (NTR) ప్రస్తుతం ప్రశాంత్ నీల్ (Prashanth Neel)తో ‘డ్రాగన్’ (Dragon) చిత్రాన్ని చేస్తున్నాడు. ఈ చిత్రం షూటింగ్ అయితే శరవేగంగా సాగుతోంది కానీ ‘దేవర 2’ (Devara 2) మాటేంటి?
యంగ్ టైగర్ ఎన్టీఆర్ (NTR) ప్రస్తుతం ప్రశాంత్ నీల్ (Prashanth Neel)తో ‘డ్రాగన్’ (Dragon) చిత్రాన్ని చేస్తున్నాడు. ఈ చిత్రం షూటింగ్ అయితే శరవేగంగా సాగుతోంది కానీ ‘దేవర 2’ (Devara 2) మాటేంటి? అభిమానులు ఈ సినిమా కోసం ఎంతో ఆసక్తిగా ఎదురు చూస్తున్నారు. గతేడాది భారీ అంచనాలతో ‘దేవర’ (Devara) విడుదలైంది. ఎన్టీఆర్ (Jr NTR) కెరీర్లో హయ్యస్ట్ గ్రాసర్గా నిలిచింది. వాస్తవానికి ఈ సినిమా రిలీజ్కు ముందు అయితే చాలా నెగిటివిటీ నడిచింది. విడుదల తర్వాత మాత్రం కాస్త మిక్స్డ్ టాక్ నడిచింది. రివ్యూలు సైతం అంత ఆశాజనకంగా ఏమీ రాలేదు. అయినా సరే.. వీటన్నింటినీ తట్టుకుని ‘దేవర’ నిలబడింది. ఇక సినిమా విడుదలకు ముందే రెండు భాగాలుగా విడుదల చేయనున్నట్టు మేకర్స్ ప్రకటించారు.
తొలి భాగానికి మొదట్లో మిక్స్డ్ టాక్ వచ్చిందని చెప్పుకున్నాం కదా. ఆ సమయంలో టాక్ అయితే ఇక సీక్వెల్ కష్టమనే గుసగుసలు గట్టిగానే వినిపించాయి. అంతేకాకుండా గత ఏడాది కాలంలో ఇప్పటి వరకూ ‘దేవర’ సీక్వెల్ గురించి ఊసే లేదు. దీంతో సినిమా అటకెక్కేసిందంటూ వార్తలొచ్చాయి. తిరిగి మళ్లీ ‘దేవర’ వార్షికోత్సవ సమయంలో సీక్వెల్కు సంబంధించి తిరిగి వార్తలు ఊపందుకున్నాయి. అంతా బాగుందనుకున్న తరుణంగా తిరిగి నెగిటివ్ వార్తలు.. అసలు మేకర్స్ అయితే దీని గురించి మాట్లాడిందే లేదు కానీ రోజుకో ప్రచారం అయితే సీక్వెల్ చుట్టూ నడుస్తూనే ఉంది. ప్రస్తుతం ఎన్టీఆర్ అయితే.. ప్రశాంత్ నీల్ చిత్రంపైనే తన ఫోకస్ అంతా పెట్టినట్టు తెలుస్తోంది.
ఎన్టీఆర్-నీల్తో పాటు ఆయనకున్న కమిట్మెంట్స్ అన్నీ కంప్లీట్ అయితే కానీ ‘దేవర 2’ ప్రారంభమయ్యే సూచనలు కనిపించడం లేదు. అసలే కొరటాల శివ (Koratala Shiva) అంతకుముందు ‘ఆచార్య’ (Acharya)తో డిజాస్టర్ అందుకుని ఉన్నారు. ‘దేవర’ చిత్రానికి సైతం పాజిటివ్ టాక్ పెద్దగా ఏమీ రాలేదు. చిన్నగా చిత్రం పుంజుకుంది. అయితే జనాల్లో మొదట వచ్చిన టాకే నాటుకుపోయింది. అందుకే కొరటాల నమ్మి సీక్వెల్ చేసే ధైర్యం నిర్మాతలు చేయడం లేదనే టాక్ కూడా నడుస్తోంది. ఇది మాత్రమే కాదు.. ఎన్టీఆర్ అభిమానుల్లోని ఒక వర్గం సైతం ‘దేవర 2’ వద్దనే అంటున్నాయి. ఆ సినిమా ఆలోచననే వదిలేయమని చెబుతున్నాయి. మరో వర్గం మాత్రం సీక్వెల్ చేస్తేనే బాగుంటుందని అంటున్నారు. కావాలనే ‘దేవర 2’పై నెగిటివిటీని స్ప్రెడ్ చేస్తున్నారని అంటున్నారు. ఏదిఏమైనా దీనిపై మేకర్స్ స్పందిస్తే కానీ క్లారిటీ వచ్చే అవకాశం లేదు.