Rajamouli Varanasi: ‘వారణాసి’ వివాదానికి ఫుల్ స్టాప్ పడినట్టేనా?
రాజమౌళి దర్శకత్వంలో మహేశ్ బాబు హీరోగా రానున్న చిత్రం ‘వారణాసి’ (Varanasi). పెద్ద ఎత్తున ఈవెంట్ నిర్వహించి మరీ ‘వారణాసి’ టైటిల్ను మేకర్స్ ప్రకటించారు. అంతా బాగానే ఉంది కానీ సినిమాపై సోషల్ మీడియాలో పెద్ద ఎత్తున వార్తలు ప్రచారంలో ఉన్నాయి.
రాజమౌళి దర్శకత్వంలో మహేశ్ బాబు హీరోగా రానున్న చిత్రం ‘వారణాసి’ (Varanasi). పెద్ద ఎత్తున ఈవెంట్ నిర్వహించి మరీ ‘వారణాసి’ టైటిల్ను మేకర్స్ ప్రకటించారు. అంతా బాగానే ఉంది కానీ సినిమాపై సోషల్ మీడియాలో పెద్ద ఎత్తున వార్తలు ప్రచారంలో ఉన్నాయి. ఆ ప్రచారమంతా కూడా టైటిల్ చుట్టే తిరగడం ఆసక్తికరంగా మారింది. దీనికి కారణం.. గతంలోనే మరో నిర్మాణ సంస్థ ఈ టైటిల్ను రిజిస్టర్ చేసుకున్నట్టు ప్రచారం జరిగింది. దీంతో పెద్ద ఎత్తున దీనిపై వార్తలొచ్చాయి. తాజాగా ఈ వివాదానికి ఫుల్స్టాప్ పడింది. దీనికి కారణం.. మేకర్స్ టైటిల్లో చిన్న మార్పు చేయడమే.
‘వారణాసి’ చిత్రం పలు భాషల్లో విడుదల కానుంది. అయితే ఈ చిత్రాన్ని తెలుగులో మాత్రం ‘రాజమౌళి వారణాసి’ పేరిట విడుదల చేయనున్నట్టు తెలుస్తోంది. ఇతర భాషల్లో మాత్రం ‘వారణాసి’ పేరుతో ప్రేక్షకులు విడుదల చేయనున్నట్టు సమాచారం. అయితే దీనిపై అధికారిక ప్రకటన అయితే రాలేదు. రాజమౌళి - మహేశ్ బాబు (Mahesh Babu) కాంబినేషన్లో ఈ ప్రాజెక్ట్ ప్రకటించిన నాటి నుంచే సినిమాపై అంచనాలు భారీగా పెరిగాయి. ఈ సినిమాలో రామాయణంలోని ఓ ఘట్టాన్ని చూపించనున్నట్టు రాజమౌళి ప్రకటించారు. పైగా సినిమాకు సంబంధించి విడుదల చేసిన టైటిల్ గ్లింప్స్ కూడా చాలా ఆసక్తికరంగా ఉండటంతో సినిమాపై అంచనాలు ఊపందుకున్నాయి.
అలాగే సినిమా గ్లింప్స్ వచ్చిన నాటి నుంచి ఇది రాజమౌళి ఫ్యామిలీ ప్రాజెక్టుగా మారిపోయిందంటూ పెద్ద ఎత్తున ప్రచారం జరుగుతోంది. అలాగే గ్లింప్స్ ఈవెంట్ సైతం ఏదో సో సోగా నిర్వహించారంటూ కొందరన్నారు. అలాగే ఈ ఈవెంట్లో రాజమౌళి మాట్లాడిన మాటలు పెద్ద ఎత్తున వైరల్ అయ్యాయి. ఏది ఏమైతేనేమి సినిమాపై ప్రచారం అయితే ఏదో ఒక రూపంలో గట్టిగానే నడుస్తోంది. ప్రస్తుతం దీని షూటింగ్ అయితే శరవేగంగా జరుగుతోంది. ఈ చిత్రంలో మహేష్ రుద్ర పాత్రలో కనువిందు చేయనుండగా.. విలన్ పాత్రం అయిన కుంభగా పృథ్వీరాజ్ సుకుమారన్ నటిస్తున్నారు. హీరోయిన్గా ప్రియాంక చోప్రా నటిస్తున్న ఈ సినిమా 2027 వేసవి కానుకగా ప్రేక్షకుల ముందుకు రానుంది.