Raghu Kunche: ముహూర్తం ఫిక్స్ చేసుకున్న ‘గేదెల రాజు’

సమ్మర్‌‌లో సినిమాలే సినిమాలు.. మరీ ముఖ్యంగా ఏప్రిల్‌‌లో సినీ ప్రియులకు పండగే. ఏప్రిల్ 10న ‘డెకాయిట్’ రానుండగా.. అదే రోజున నిఖిల్ సిద్ధార్థ్ నటించిన ‘స్వయంభు’ విడుదల కానుంది. ఆ తరువాత వారం అంటే మంచి టైమ్ చూసుకుని ‘గేదెల రాజు’ బరిలోకి దిగుతున్నాడు. ఏప్రిల్ 17న ఈ చిత్రం విడుదల కానుంది. ఈ మేరకు చిత్ర యూనిట్ అధికారిక ప్రకటన విడుదల చేసింది. సంగీత దర్శకుడు, సింగర్‌ రఘు కుంచే ‘గేదెల రాజు’ టైటిల్ రోల్ పోషించారు. ‘చూస్తే ఒకటే నిజం చూడకపోతే వంద అనుమానాలు’ అనే ఆసక్తికర పాయింట్‌తో దర్శకుడు చైతన్య మోటూరి ఈ చిత్రాన్ని తెరకెక్కించారు.

మోటూరి టాకీస్‌ పతాకంపై రఘుకుంచె ఈ చిత్రాన్ని సమర్పిస్తున్నారు. ఈ చిత్రం ఆసక్తికర టైటిల్‌తో మంచి క్రేజ్‌ను సంపాదించుకుంది. సంగీత దర్శకుడు, గాయకుడు అయిన రఘు కుంచె ఆ తరువాత నటుడిగానూ మంచి గుర్తింపు సంపాదించుకున్నారు. ప్రస్తుతం ఆయన నటుడిగా కూడా బాగా బిజీ అయిపోయారు. మంచి ప్రాధాన్యమున్న పాత్రలను ఎంచుకుంటూ దూసుకెళుతున్నారు. ఇప్పటికే ఈ సినిమా నుంచి వచ్చిన అప్‌డేట్స్ ఆకట్టుకుంటున్నాయి. ముఖ్యంగా ‘కాకినాడ తాలుకా’ అనే ట్యాగ్‌లైన్‌ మరింత ఆకట్టుకుంటోంది. మోటూరి టాకీస్‌ పతాకంపై వాణి రవి కుమార్‌ మోటూరి ప్రొడ్యూస్ చేస్తున్న ఈ చిత్రం ఏప్రిల్ 17న ఎలాంటి మ్యాజిక్ చేయనుందో చూడాలి.