Biggboss 9: తనూజకు షాక్.. దూసుకెళుతున్న కల్యాణ్.. ఇక కష్టమే..

ఇన్నాళ్లకు బిగ్‌బాస్ 9 తెలుగు (Biggboss 9 Telugu) ఇంట్రస్టింగ్‌గా మారింది. ఇప్పటి వరకూ ఏమీ చేయకున్నా కూడా ఎందుకో ఎక్కడ లేని హైప్ తనూజ (Tanuja Putta Swamy) కు వచ్చింది. అదే విధంగా నెగిటివిటి కూడా ఉంది. కానీ ఎందుకో ఆ నెగిటివిటీని డామినేట్ చేస్తూ తనూజ బిగ్‌బాస్ 9 తెలుగు విన్నర్ రేస్‌లోకి వచ్చింది. టాస్క్‌లు సరిగా ఆడలేదు. ప్రతి టాస్క్‌లోనూ మద్దతు కోసం వెదుక్కుంటుంది. అందరి సపోర్ట్ తీసుకుంటుంది.. చివరకు నాకెవరూ సపోర్ట్ లేరని చెబుతుంది. అలాంటి ఓ వ్యక్తిని ఆమె పీఆర్ టీం బాగా హైలైట్ చేసింది. దీంతో పాటు బిగ్‌బాస్ నిర్వాహకుల నుంచి హోస్ట్ నాగార్జున వరకూ తనూజను లేపిన తీరు కూడా ఆమె విన్నర్ (Biggboss Winner) రేసులోకి రావడానికి ఒక కారణమే.

వాళ్లేం ఫుటేజ్ ఇవ్వడం లేదా?

షో (Biggboss Show) మొత్తం తనూజ తప్ప మరొకరు కనిపించరు. మరి వాళ్లేమీ ఫుటేజ్ ఇవ్వడం లేదా? అంటే ఈమె స్టార్ మా ముద్దుబిడ్డ కాబట్టి బాగా హైలైట్ చేస్తున్నారని బయట గట్టిగానే టాక్ నడుస్తోంది. ఆమె ఏం చేసినా కూడా వీకెండ్‌లో నాగ్ వచ్చేసి సున్నితంగా మందలిస్తారు. మిగిలిన వాళ్లు ఏమైనా మిస్టేక్ చేస్తే మాత్రం దానిని భూతద్దంలో చూపి రచ్చ చేస్తున్నారు. ఇంత కాలానికి తనూజకు షాక్ తగిలింది. ఆమెను ఓటింగ్‌లో కల్యాణ్ పడాల (Pawan Kalyan Padala) బీట్ చేశాడు. దీనికి కారణాలు చాలానే ఉన్నాయి. అతను ఎంత మంచి చేసినా బిగ్‌బాస్ టీం (Biggboss Team)కు కనిపించదు. చాలా వారాల పాటు అతడిని తొక్కి పట్టారు. నాగ్ కూడా ప్రతి వారం అతడిని ఏదో ఒక విధంగా నిందించడంతోనే కాలం గడిపారు.

ఆ గొడవతో టాప్ 1కి..

వాస్తవానికి తొలి మూడు వారాలు కల్యాణ్ పడాల అసలు కనిపించలేదు. అసలు అతనికి అవకాశమే రాలేదు. అప్పటి నుంచి నువ్వు కనిపించడం లేదంటూ కొంతకాలం పాటు నాగ్ (Host Nagarjuna) నిందించడంతోనే సరిపోయేది. ఆ తరువాత కూడా నాగ్ (Nag) అతడిని అక్షింతలు వేయడంతోనే సరిపోయేది. అలా కాస్త సింపతి గెయిన్ అయ్యింది. అతని ఆట తీరు, వ్యవహార శైలి అన్నీ అతడిని ఉన్నతంగా మార్చాయి. ఫ్యామిలీ వీక్‌ (Biggboss Famiy Week)లో కల్యాణ్ పడాల తల్లిదండ్రులు.. ముఖ్యంగా అతడి తండ్రి మాటలు అతడికి బీభత్సంగా ప్లస్ అయ్యింది. దీంతో పాటు నామినేషన్స్‌ (Biggboss Naminations)లో జరిగిన గొడవ కల్యాణ్ పడాలను టాప్1కి చేర్చింది. ఇప్పుడు తనూజను దాటి విన్నర్ (Biggboss Winner) రేస్‌లోకి కల్యాణ్ పడాల వచ్చేశాడు.

మెట్టు దిగిన తనూజ..

తనూజ ఓటింగ్ స్టేబుల్‌గానే ఉన్నా కూడా కల్యాణ్ పడాలకు ఓట్ చేసే వారి సంఖ్య పెరిగింది. దీంతో తనూజ అంటే ఇష్టపడని వారు నెట్టింట సందడి చేస్తున్నారు. తనూజకు నెగిటివిటీ పెంచేలా ఆమె చేసిన తప్పుల తాలూకు వీడియోలను సోషల్ మీడియాలో పెద్ద ఎత్తున పెడుతున్నారు. దీంతో తనూజ విన్నర్ రేస్ నుంచి రన్నరప్‌కి ఓ మెట్టు దిగుతోందనడంలో సందేహమే లేదు. ఈ వారం కూడా కెప్టెన్సీ కంటెండర్ టాస్క్‌లోనూ కల్యాణ్ పడాల ఒక్కడే నిన్నటి వరకైతే విజయం సాధించాడు. మొత్తానికి టాస్క్‌ల్లో అతడు దూసుకెళతాడనడంలో సందేహమే లేదు. దీంతో మున్ముందు అతనికి మరింత మంచి రోజులు రానున్నాయనడంలో సందేహమే లేదు.

ఓటింగ్‌లో ఎవరెవరు ఏ స్థానంలో ఉన్నారంటే..

ఇక బిగ్‌బాస్ ఓటింగ్‌లో ప్రస్తుతం తొలి స్థానంలో కల్యాణ్ పడాల ఉండగా.. రెండో స్థానంలో తనూజ.. మూడో స్థానంలో ఇమ్మాన్యుయేల్.. నాలుగో స్థానంలో డీమాన్ పవన్, ఐదవ స్థానంలో భరణి, ఆరవ స్థానంలో సుమన్ శెట్టి, ఏడవ స్థానంలో సంజన, ఎనిమిదవ స్థానంలో దివ్య నికిత ఉన్నారు. ఏది ఏమైనా ఈ వారం దివ్య నికిత ఎలిమినేట్ అయ్యే అవకాశాలు మెండుగా కనిపిస్తున్నాయి. వాస్తవానికి గత వారమే దివ్య నికిత ఎలిమినేట్ అవ్వాల్సి ఉంది. తనూజతో ఆర్గ్యుమెంట్‌కు గట్టిగానే దిగడంతో వాళ్లిద్దరి మధ్య రైవలరీ ఉంటుందని షో ఇంట్రస్టింగ్‌గా మారుతుందని భావించి ఎలిమినేట్ అవకుండా బిగ్‌బాస్ టీం చూసింది. కానీ ఈవారం తెలివిగా తనూజ ఆమెతో రైవలరీకి ఫుల్‌స్టాప్ పెట్టేసింది. అంతేకాకుండా భరణికి కూడా దివ్య కాస్త దూరంగా ఉండటంతో ఆమెకు ఫుటేజ్ అనేదే లేకుండా పోయింది. దీంతో దివ్య ఎలిమినేషన్‌కి దగ్గరవుతోంది.

ప్రజావాణి చీదిరాల